പുഴയോട്
കുഞ്ഞുകരങ്ങളില് മുറുകെ പിടിച്ച
കൈവിരലുകള് എനിക്കു നഷ്ടമായത്
നിന്റെ ആരവത്തിനിടയിലാണ്..
എന്റെ പ്രണയം,
ആരോ ഉപേക്ഷിച്ചുപോയ
കാല്പാടുകള് പോലെ
അനാഥമായതും നിന്റെയീ
മണലില് വച്ചാണ്...
എന്റെ ലോകം - നീ ഗോപനം ചെയ്യിച്ച
ഉരുളന് കല്ലുകള് പോലെ
തേഞ്ഞു പഴകിയതും നിന്റെയീ
തീരത്തു വച്ചു തന്നെയാണ്...
ഈ ഓര്മ്മകളുടെ അന്ത്യത്തില്,
നിന്റെ തെളിഞ്ഞ ജലത്തിനടിയിലെ
അഴുകിയ വേദനകള് പോലെ,
ഞാനും - പിന്നെയീ വിഴുപ്പും
മാത്രം അവശേഷിച്ചു...!
Not connected : |
