നയം

മാറ്റമില്ലാത്തതായ് മാറ്റമൊന്നല്ലാതെ
മറ്റൊന്നുമില്ലാത്തൊരുലകിൽ
മാറ്റൊലിയായെന്റെ കാവ്യസരണിയെ
മാറ്റിടാനാവില്ലെനിക്ക്
കാറ്റുംകടലുംകിനാക്കളുമൊക്കെയെൻ
കാവ്യത്തിനുറവയായീടാം
കാടുംകറുപ്പുംകലപ്പയുംകാലവും
കവിതയ്ക്കുവിതയായ്ഭവിക്കാം
കണ്ണീരിലുള്ളലവണംചിലപ്പോഴെൻ
കവിതയിലലിഞ്ഞുകണ്ടേക്കാം
പൊട്ടിച്ചിരിയുടെമുത്തുകൾകോർത്തൊരു
പൊട്ടാത്തമാലതീർത്തേക്കാം
നോവുന്നനേരിന്റെ മൂർച്ചയാൽനിങ്ങടെ
നെഞ്ചുകീറിമുറിച്ചേക്കാം
നാണയത്തിന്റെ കിലുക്കത്തിലിളകാതെ
നാടിന്റെനന്മകൊതിക്കെ
ഹൃദയപക്ഷത്തിന്റെവാശിയുംവീറുമെൻ
കൃതിയിലന്തർലീനമാവാം
മോഹമൊന്നേയുള്ളൂ നിങ്ങളെൻകവിതയെ
സ്നേഹിക്കണമെന്നുമാത്രം
നാളെയും നിങ്ങളെൻവരികളെനെഞ്ചേറ്റി
ലാളിക്കണമതുമാത്രം !

കൂട്ടുകാര്‍ക്കും കാണാന്‍

sheeladevi

2013-07-08

1) നയം വ്യക്തമാക്കിയതിനു നന്ദി .നല്ല കവിത.

suresh

2013-07-09

2) വളരെ പഴയൊരു സദാനന്ദനെ തിരിച്ചുകിട്ടി നന്ദി

നിങ്ങളുടെ അഭിപ്രായം

Your Message...