പ്രണയം
പ്രണയം
പ്രണയം പൊട്ടിമുളയ്ക്കാന്‍ മണ്ണും
മണ്ണിന്‍ നനവും വേണ്ടല്ലോ
മഴയുംകാറ്റും വെയിലും ചൂടും
ഒന്നുമതില്ലാതതു വളരും
മാനവഹൃത്തില്‍ വടവൃക്ഷത്തിന്‍
ചാരുതയേകീട്ടതു വളരും
പൂക്കുംകായ്ക്കും തളിരിടുമെന്നും
ഋതുഭേദങ്ങളതറിയാതെ
കാലമിതെത്ര പുരോഗതി കൈവ-
ന്നെല്ലാം യാന്ത്രികമാണെന്നാകിലു-
മോരോമനസ്സിലുമൊരു മൃദു മധുര -
ത്തേ൯കണമായി പ്രണയം വിരിയും
ജാതിമതാ൪ത്ഥവിചാരമതെല്ലാം
പ്രണയക്കുളിരിലണഞ്ഞേപോകും
ജീവിതയാത്രയിലോര്‍മ്മിക്കാനും
നൊമ്പരമധുരം നുണയാനായും
പ്രണയം വേണമതെല്ലാനാളും
മനസ്സാം വല്ലിയിലോമനമലരായ്
Not connected : |
