ജീവിതവും ശൈലിയും
ആടയാഭരണങ്ങള് അധികമായിട്ടണി-
ഞ്ഞാതുരാലയത്തിലേയ്ക്കണഞ്ഞൂപ്രൗഡാംഗന
ആളുകള് നിരന്നൊരാ 'ക്യൂ 'വിനെതെല്ലുംകൂസാ-
താഡ്യതഭാവിച്ചുള്ളിലെത്തിഡോക്ടറ്തന്മുന്നില്
"ജീവിതശൈലീരോഗചികിത്സയ്ക്കെത്തീടുമ്പോള്
ഈവിധംപെരുമാറാന്പാടില്ല "ഡോക്ടറ് ചൊല്ലി
മുഖമൊന്നുവക്രിച്ചുപറയുന്നവള്"ക്യൂവില്
മുന്നില് നില്ക്കുന്നോറ്ചിലരെന്റ്റെവാല്യക്കാരത്രേ
അവറ്ക്കുപിന്നില്പോയ്‌ഞാന് നില്ക്കുകില്പിന്നെയെനി -
ക്കവറ്തന്മുന്നിലെന്നാവിലയുണ്ടാവുംസാറേ ?
പ്രഷറും കൊളസ്ട്രോളും ഷുഗറും പണ്ടേ ദൈവം
പ്രഭുത്വമുള്ളോറ്ക്കായിതന്നസ്റ്റാറ്റസ്സല്ലയോ!"
സാകൂതമവളുടെഭാസുരഭാഷ്യംകേള്ക്കെ
സാവധാനമാ ഡോക്ടറ്സരസമായിചൊല്ലീ :
"കാലമിന്നെത്രമാറി ;മാവേലിക്കാലംപോലെ
മാനുഷരെല്ലാരുമീ ആസ്പത്രീലോരേപോലെ
നല്ലശീലങ്ങളൊക്കെകളഞ്ഞുകുളിച്ചവറ്
കാലന്റ്റെ കടിഞ്ഞാണില് ചലിപ്പൂ രോഗാതുരം "
***********************
കാണിയാമീയുള്ളോന്റ്റെതൂലികകുറിക്കുന്നൂ
"കാര്യകാരണങ്ങളതെന്തുമായിക്കൊള്ളട്ടെ
ജീവിതശൈലിമാറ്റാനിപ്പോഴേതുടങ്ങുക
ജീവിതമൊരു ശല്യമായിടാന്കാത്തീടാതെ..."
Not connected : |
