തമസ്സോ.. മാ... - തത്ത്വചിന്തകവിതകള്‍

തമസ്സോ.. മാ... 

തമസ്സോ.. മാ...
===========
അര്‍ത്ഥശൂന്യമായ
ശബ്ദ ശകലമായി
നിന്റെ നന്ദി വാക്കുകള്‍..
എന്റെ ബോധമണ്ഡലത്തില്‍ത്തട്ടി
എങ്ങോ തെറിച്ചുപോയ്.......
അതില്‍ നീ
സ്വാതന്ത്ര്യം നേടിയാല്‍പ്പിന്നെ
ഞാനീ വഴിയില്‍ ...തനിച്ച്.......
നീ പറയാതെ ബാക്കിവെയ്ക്കുന്ന
കടപ്പാടിന്റെ ഖനിമൊഴികളില്‍
ഞാനെന്നെ
നിന്നോടണയ്ക്കുവാന്‍
പഴുതു തേടവേ...
മറവിയില്‍ മൂടുക
ഒഴിഞ്ഞു തീരാത്ത ദാനകുംഭങ്ങള്‍
നിനക്കുവേണ്ടതും
എനിയ്ക്കു വേണ്ടതും
ഒഴുകിവീഴുന്ന പാരസ്പര്യം
നിന്മോന്നതങ്ങളില്ലാത്ത
ഇരുള്‍വെളിച്ചങ്ങള്‍ മാറിവീഴാത്ത
ഋതുഭേദങ്ങള്‍ കണ്ണു പൊത്തിക്കളിക്കാത്ത
തെളിമയാര്‍ന്നൊരു
വെളിച്ചത്തുരുത്തുമാത്രം
കൈകോര്‍ത്തുനടന്നു നീങ്ങാന്‍
ഒരറ്റയടിപ്പാതയും


up
0
dowm

രചിച്ചത്:മിനി മോഹനന്‍
തീയതി:12-12-2013 06:31:45 AM
Added by :Mini Mohanan
വീക്ഷണം:229
നിങ്ങളുടെ കവിത സമ്മര്‍പ്പിക്കാന്‍


കൂട്ടുകാര്‍ക്കും കാണാന്‍

Get Code


Not connected :