ഇനിയും മരിക്കാത്ത ഭൂമി
"ഇനിയും മരിക്കാത്ത ഭൂമിതൻ
മാറിലൂടവരന്നു പായിച്ചു തീ ബാണമത്രേ.!
മഴയും മരന്ദവും മഞ്ഞുമില്ല.
മുലയൂട്ടുമമ്മതൻ സ്നേഹമില്ല.
കരിചീറ്റും കുഴലുകളെങ്ങുമെങ്ങും.
കരിയിലക്കാറ്റുപോൽ പുകച്ചുരുളും.
പ്രണയമോ പണയമായ് മാറിടുന്നു.
പഠനമോ വ്യാപാരമായിടുന്നു.
മാംസദാഹികൾക്ക് ദാഹമകറ്റുവാൻ-
മാതാവിൻ ചോരയത് പോരാതെയായ്..
ഒഴുകുന്ന പുഴകളോ നിശ്ചലമായ്.
ഓണനിലാവും മറന്നുപോയി.
ബാല്യവുമില്ല കൗമാരവുമില്ല.
എവിടെയുമെങ്ങുമീ കാപട്യം മാത്രം..
കരയുന്ന കുഞ്ഞിനേ പാലുള്ളൂ പണ്ടേ..
കരയുന്ന കുഞ്ഞിനും പാലില്ല ഇന്നോ!
അമ്മയ്ക്കു കുഞ്ഞിനെക്കാളിന്നു പ്രേമം-
അലങ്കാര മുറിയിലെ ചെപ്പിനോടായ്.
അഭിനയം പോലെയായ് മാറിടുന്നു-
അതോ അഭിനയം തന്നയോ ഈ ജീവിതം.
ഇനിയെത്രനാൾ ഇനിയെത്ര നാൾ
ഈ ഭൂമി ശരശയ്യ തന്നിൽ ശയിച്ചിടേണ്ടു?
അതിനെന്തു കാരണം അതിനെന്തു കാരണം?
അതിമോഹിയാമൊരീ മർത്ത്യർ നാം!!!!"
Not connected : |
