മീട്ടാത്ത തംബുരു
ഇല്ലാത്ത വാനിൽ പറക്കുവാൻ ചൊല്ലല്ലേ
ചിറകറ്റു പോയൊരീ പക്ഷിയോട്
ചുടു തണ്ണീരണ്ണാക്കിൽ കോരിയൊഴിച്ചി-
ളം തൊണ്ട നീ നിർദ്ദയം വാട്ടീടല്ലേ
സ്വപ്നത്തിലെങ്കിലുമിത്തിരി നേരമീ
വ്യോമപഥങ്ങളെ പുൽകട്ടേ ഞാൻ
ആർത്തിരമ്പുന്നൊരു കാറ്റായി വന്നന്റെ
സ്വപ്നത്തിൽ വന്നു നീ വീശിടല്ലേ
മോഹങ്ങൾ തൻ മഴവില്ലുകളാമിന്ദ്ര-
ജാലങ്ങൾ കാട്ടി മയക്കീടല്ലേ
മീട്ടാതെ പോയൊരു തംബുരുവായി ഞാൻ
ശിഷ്ടമിക്കാലം കഴിച്ചിടട്ടേ
Not connected : |
