ഐഡിയ ബോർ ജഡ്ജ്
"സംഗതി പോരെന്റെ സുന്ദരിക്കുട്ടീ ,
സാ രീ ഗാ മാ എന്നു ചേർത്തു പാടു
സാധകം ചെയ്യുക, പോരട്ടെ ശാരീരം
നാളത്തെ ജാനകിയമ്മയല്ലേ !"
ഞെട്ടിയുണർന്നിട്ടു നോക്കുന്നു ശ്രീമതി ,
തൊട്ടടുത്തുണ്ട് ;സുഖമുറക്കം !
ഒന്നും പറഞ്ഞില്ല ;സന്ധ്യ മുതൽക്കൊരു
ചിന്തയാ ,ണിംഗ്ലീഷ്‌ പഠിക്കണം പോൽ !
"യുവർ വോയ്സ് വെരിഗുഡ്
പെർഫൊമൻസും നന്ന്‌
പാട്ടിൻ സെലക്ഷനിൽ ശ്രദ്ധ വേണം !
വൻസുമോർ പാടിക്കേ
നാ നാ നി നീ നീ നി
നാ നാ നി നീ നീ നി
നാനി നാനി !"
കൊള്ളാ,മിതെന്തൊരു കുന്ത -
മിപ്പതിരാ
നേരത്തി,ത്തിതിങ്ങേർക്കിതെന്തു പറ്റി ?
തട്ടി വിളിക്കു "ന്നറിയട്ടെ അപ്പളേ ,
ഇന്നലത്തെ കൊണ്ടു ഗുളിക തീർന്നോ ?"
"അല്ലെടി പോത്തേ ,ചൊല്ലിടാം
കത്തുണ്ട് ,
ജഡ്ജാകണം സ്റ്റാർ സിംഗറൊന്നിൽ !"
" അല്ലല്ലിതെന്തൊരു കൂത്ത്‌ ;നിങ്ങൾ
പെട്ടി പൂട്ടിയ കാലം മറന്നതല്ലേ ...?
പിള്ളേരു മൊത്തം മഹാ പിശകാ ,
അവർ പള്ളയ്ക്കടിക്കാതെ നോക്കിടേണം !
വല്ല' സലത്തും 'തെറ്റിയാൽ മിണ്ടണ്ട
വല്ലവനും കേറി ഞോണ്ടിയാലോ .
ടി വീ പ്രോഗ്രാമി,ലിംഗ്ലീഷു മസ്റ്റാ
നിങ്ങൾക്കേ ബീ സീ ഡീ തികച്ചെന്തറിയാം ?"
"പണ്ടു ഗഫൂറിക്ക ചൊന്ന പോൽ ചൊല്ലണ -
മസ്സലാമു അലൈക്കും
വ അലൈക്കുമസ്സലാം !!"
Not connected : |
