നന്ദികേടിലേയ്ക്കു പടിയിറങ്ങും മുമ്പ്... 

ഗർഭാശയ ഭിത്തികളിൽ
നീ നിഷ്കരുണം ചവിട്ടിയപ്പോൾ
കണ്ണിലൂറി കൂടിയ
നൊമ്പരത്തുള്ളികളിൽ
കിനാവിന്റെ വിത്തുകളുണ്ടായിരുന്നു

രക്തം രക്തത്തെ
ഉമ്മ വെച്ചപ്പോൾ
സ്നേഹനീരടിഞ്ഞു കൂടിയ
മാറിടം
പെയ്യാനായ് വിതുമ്പി നിന്നിരുന്നു

കാക്കയ്ക്കും പരുന്തിനും കൊടുക്കാതെ
തകർച്ചയ്ക്കും പതർച്ചയ്ക്കും
വഴിയൊരുക്കാതെ
പറക്കമുറ്റുന്നതു വരെ
കൂടെ നിന്നു

ഇനി
നന്ദികേടിലേയ്ക്കു
പടിയിറങ്ങും മുമ്പു
ഈ 'പൊരുന്നുയന്ത്രത്തെ '
ആക്രിക്കടയിലേൽപ്പിക്കുക

0

രചിച്ചത്:Abdul shukkoor.k.t
തീയതി:11-07-2014 10:37:40 PM
Added by :Abdul shukkoor.k.t
വീക്ഷണം:215
നിങ്ങളുടെ കവിത സമ്മര്‍പ്പിക്കാന്‍