അന്ത്യയാത്ര
എന്തിനീ മോഹങ്ങള്‍ ഇന്നെനിക്ക്
എന്തിനീ സ്വപ്‌നങ്ങള്‍ ഇന്നെനിക്ക്
ഇന്നു നാം ഓമനിച്ചീടുമീ ജീവിതം
ഒരുനാളില്‍ അകലേക്കു പോയി മറയും
എവിടെയോ എവിടെയോ മറയത്ത് നില്‍കുന്നു
മരണമാം അവസാന വേര്‍പിരിയല്‍
അന്നുവരേക്കു നാം നേടിയതൊക്കെയും
അന്യമായി തീരുന്ന ആ നിമിഷം
ആറടി മണ്ണിലെ അവസാന നിദ്രയില്‍
ആരാരും കൂട്ടിനണയുകില്ല
വേര്‍പാടിന്‍ വേദന നല്‍കീ മയങ്ങീടും
തനിയേയാണീയാത്ര എന്നറിയാതെ
മോഹങ്ങളില്ലാതെ സ്വപ്നങ്ങളില്ലാതെ
ആഘോഷമില്ലാത്തവസാന യാത്ര
അഴകിന്‍റെ ആശകള്‍ മിനുക്കിയ മേനി
മണ്ണിലേക്കലിയുന്ന അന്ത്യയാത്ര
മലയാളം കവിതകള്‍ / Malayalam Kavithakal (Poems)
|
മലയാള കവിത | Malayalam Kavitha പുതുതായി ചേര്‍ന്നതു
ഈ മാസ വിജയിതാവ്
Random കവിതകള്‍
For Advertising, Contact
കവിതകള്‍
ഇതും നോക്കുക
അധികം എഴുതിയവര്‍ (Top Contributors)
ഈ മാസം അധികം എഴുതിയവര്‍
Join Vaakyam on 
|
