തുമ്പിലയില്‍..(കവിത)-അന്‍വര്‍ ഷാ ഉമയനല്ലൂര്‍ - മലയാളകവിതകള്‍

തുമ്പിലയില്‍..(കവിത)-അന്‍വര്‍ ഷാ ഉമയനല്ലൂര്‍ 

ഹരിതമലയാളമേ, നിന്‍സൗമ്യഭാവമാ-
യരികിലിന്നലിവിന്റെ തിരുവോണഭംഗികള്‍
സുകൃതമലയാളമേ, നുകരുന്നു താവക
കമനീയ ശൈലിയിലെഴുതുന്ന പകലുകള്‍
സുമജാലമാലോലമാടുന്നു, സാമോദ-
വര്‍ണ്ണങ്ങളാല്‍നീ ചമയ്ക്കുന്നു മനസ്സുകള്‍‌
പാടേമറന്നുപോകുന്നുവെന്നഴലുകള്‍
പാടുവാനോതുന്നിതാ-ബാല്യസ്മരണകള്‍.

മാനവര്‍ക്കാകെയിന്നേകവേ നന്മകള്‍
വാനവര്‍തന്‍ സ്മരണയേറിടുന്നവനിയില്‍
ദൂരെദൂരേനിന്നുണര്‍വ്വുയര്‍ത്തീടുന്നു
താരങ്ങളായ് സ്മേരമേകുന്ന നിനവുകള്‍
ചാരെനിന്നെന്നകമാകെ നിറയ്ക്കുന്നു
സ്നേഹാര്‍ദ്രഭാവമിന്നതിലേറെ-മലരുകള്‍
തുമ്പകളിമ്പമാര്‍ന്നാടവേ തൊടികളില്‍
മധുവൂറിടുന്നിതെന്നരുമതന്‍ ചൊടികളില്‍.

പൂജിതജനനി, നിന്നാത്മജര്‍തങ്ങളില്‍
സ്നേഹാമൃതം പകര്‍ന്നീടുമീ നാള്‍കളില്‍
മാന്തളിരായിന്നു സാന്ത്വനവാക്കുകള്‍
വീണ്ടും തളിര്‍ക്കുവതറിയുന്നു ധരണിയില്‍
ഗ്രാമീണയീണങ്ങളുയരുന്നിടങ്ങളില്‍
നറുനിലാവായ്‌ത്തീര്‍ന്നിടുന്നിടവേളയില്‍
നിറയുന്നു രമ്യോദയങ്ങളീ ഞങ്ങളില്‍
ശാലീനഭാഷയില്‍ മൊഴിയുമാത്മാക്കളില്‍.

അതിശാന്തമാംമനമേകിടാനെത്തുമെ-
ന്നുല്ലാസകാലമേ, നനവാര്‍ന്ന പുലരികള്‍
നറുപുഞ്ചിരിയോടുണര്‍ത്തവേ മന്മനം
നീലാംബരംപോല്‍ത്തിളങ്ങുടുന്നനുദിനം
നിറയുന്നതേനറിയുന്നകമെ കൂജനം
നുകരുന്നുചിങ്ങമേ, നിന്മോദതേന്‍കണം
നന്മലയാളമേ, കനിവാര്‍ന്ന നിന്‍സ്വരം
പകരുന്നു; പതിതര്‍ക്കുമേകണേ നിന്‍വരം.


up
0
dowm

രചിച്ചത്:അന്‍വര്‍ ഷാ ഉമയനല്ലൂര്‍
തീയതി:12-08-2015 01:16:56 PM
Added by :Anwar Shah Umayanalloor (അന്‍വര്‍
വീക്ഷണം:148
നിങ്ങളുടെ കവിത സമ്മര്‍പ്പിക്കാന്‍


കൂട്ടുകാര്‍ക്കും കാണാന്‍

Get Code



നിങ്ങളുടെ അഭിപ്രായം

മലയാളം കവിതകള്‍ / Malayalam Kavithakal (Poems)


മലയാള കവിത | Malayalam Kavitha

പുതുതായി ചേര്‍ന്നതു

ഈ മാസ വിജയിതാവ്

Random കവിതകള്‍

web hosting

For Advertising, Contact

കവിതകള്‍

ഇതും നോക്കുക

Live Cricket Scores

അധികം എഴുതിയവര്‍ (Top Contributors)

ഈ മാസം അധികം എഴുതിയവര്‍

Join Vaakyam on follow me