**മടക്കയാത്ര **
ഇന്നലെയും മഴ മേഘങ്ങൾ
പെയ്തിറങ്ങിയിരുന്നു
ഇളം തെന്നൽ വീശിയടിച്ചിരുന്നു
മഞ്ഞുകണങ്ങൾ കുളിരണിയിച്ചിരുന്നു
പക്ഷേ അവയൊന്നും എന്റേതല്ലായിരുന്നു.
ദൂരം അളവിലും കവിഞ്ഞിരുന്നു
മനസ്സ് നിറഞ്ഞൊരു വിസ്ഫോടനവും
ഇനിയില്ല എനിക്കായ് ഈ കുളിർമഴ
ഇനിയില്ല എനിക്കായ് ഈ കുളിർ തെന്നൽ
ഇനിയില്ല എനിക്കായ് ഈ പുലരി
ഒടുവിൽ ഓർമതൻ പുലരിയിൽ നനഞ്ഞ
മിഴികളെ പഴിച്ച്
ഈ ജീവിതത്തെ പിൻതുടരുമ്പോൾ
ഞാൻ അറിഞ്ഞു ഇനിയും എനിക്കായ് ഈ ജീവിതം പുഞ്ചിരി തൂകുകയില്ല എന്ന്
വിദൂരതയിലേക്ക് നോക്കുമ്പോൾ ഞാൻ അറിഞ്ഞു പടിയിറങ്ങിയ പുലരിയിലെ ആ മന്ദഹാസം നിലച്ചു എന്ന്.
എങ്ങും നിശബ്ദത മനസിലും നിറഞ്ഞ ഇരുളിമ ഈ എകാന്തത എന്നെയും നിശബ്ദമാക്കീടും എങ്കിലും
എനിക്കായ് ഈ വസന്തം പുനർജനിക്കാനായ്
ഞാൻ കണ്ണുകൾ മെല്ലെ അടച്ചു
അപ്പോൾ എന്റെ ഓർമകൾക്ക് നനുത്ത ഒരു സുഗന്ധം
ഉണർന്നാൽ അസ്തമിക്കുന്ന ഈ ഓർമകൾക്കായ് ഉറങ്ങി ഞാൻ അടുത്ത ജന്മതിലെക്കായ്‌
ഇനിയൊരു മടക്കയാത്ര സാധ്യമല്ല ചിറകറ്റു വീണൊരെൻ ദീനരോധനം......
Not connected : |
