Deprecated: mysql_connect(): The mysql extension is deprecated and will be removed in the future: use mysqli or PDO instead in /home/vaakyam/public_html/config.php on line 36

Deprecated: mysql_connect(): The mysql extension is deprecated and will be removed in the future: use mysqli or PDO instead in /home/vaakyam/public_html/config.php on line 37
ജോഗിതികൾ - മലയാളകവിതകള്‍
ജോഗിതികൾ - മലയാളകവിതകള്‍

ജോഗിതികൾ 

ഇങ്ങനെയൊരു കുലം കൂടി .
അന്ധവിശ്വാസങ്ങളും , വിദ്യാഭ്യാസമില്ലായ്മയും
പുരുഷവർഗ്ഗത്തിന്റെ ചൂഷണവും കൂടി
ഒരു പുതിയകുലത്തിനു പിറവികൊടുത്തു .

പണത്തിന്റെയും, വിശപ്പിന്റെയുമകത്ത്
കാമത്തിന്റെ ബാക്കിപത്രമായൊരു പെണ്‍
പൂവോരിക്കൽ മൊട്ടിട്ടു .
ജീവിതത്തിന്റെ ആദ്യപടിയായ വേദനയുടെ
കാതുകുത്തി കല്യാണവും ,
രണ്ടാം പടിയായ രക്തക്കറ നിറഞ്ഞ
തിരണ്ടു കല്യാണവും ,
പിന്നീടത്‌ പ്രണയവും,കാമവും മാത്രം നിറഞ്ഞു തുളുമ്പുന്ന
ഒരു സ്ത്രീധന കല്യാണത്തിലവസാനിക്കുന്നു ,
അവരുടെ ജീവിതത്തിന്റെ നിറമുള്ള ദിനങ്ങൾ.

എല്ലാം പേരിനു മാത്രം അലങ്കാരത്താൽ കൊണ്ടാടി
കൊണ്ടൊരുപാട് കല്യാണങ്ങൾ.
അവസാനമൊരു നേർച്ചക്കോഴി കണക്കെയുള്ള ജീവിതവും .

താലിക്കല്യാണത്തിലൂടെ രതിയുടെ പാഠങ്ങളോരോന്നായി
ജോഗതികൾ പകർന്നു നൽകുന്നു .
അവരിലും കാണാമൊരു രവിവർമ്മ ചിത്രങ്ങളുടെ
വശ്യതയും,വശീകരണശക്തിയും.

മനസ്സു പ്രണയത്തെ കൊതിച്ചിട്ടും,മനുഷ്യാവതാരങ്ങൾ
ഊറ്റിയെടുത്ത കന്യകാത്വം .
മുൻപേ പോയവരുടെ വഴികളിലൂടെ
ഒരു രതിയുടെ തനിയാവർത്തനം അവളിലൂടെ തുടരുന്നു.

അതിന്റെ ശാപമെന്നപോലൊരു ചാപിള്ള കൂടി ,
കുത്തിയൊഴുകുന്ന പുഴയും , നെറുകയിലൊരു വാത്സല്യചുംബനവും .
അതങ്ങനെ പുഴയുടെ ഓളങ്ങളുടെ ഈണവും കേട്ട്
താഴ്ന്നങ്ങനെ , ഒരു ഞെരുക്കത്തോടുകൂടി യാത്രയായ് .
ഒരു തണുത്ത ഭാണ്ടക്കെട്ട് .

മാതൃത്വം ഉറപൊട്ടിയൊലിക്കുന്ന പാലിന്റെ മണവും
ചോരയുടെ മണം മാറാതെ പതം വരുത്തിയെടുക്കുന്ന
ഗർഭപ്പാത്രവുമാണ് മുറിക്കുള്ളിൽ അവശേഷിച്ചത്.

രക്തക്കറ പുരണ്ട നഖങ്ങലിൽ ചായം തേച്ചും
ആടയാഭരണങ്ങളെല്ലാം എടുത്തണിഞ്ഞും .
വേറെയൊരു മനുഷ്യമൃഗത്തിന്റെ വരവും കാത്തിരിക്കുന്നു.
അവിടെ അവളൊരു ദേവദാസി പെണ്ണായി പൂർണ്ണമായും !!!!!!!!!!!!!!!!!!!


up
0
dowm

രചിച്ചത്:അശ്വതി വാര്യർ
തീയതി:31-12-2015 03:31:08 PM
Added by :Aswathy Varrier
വീക്ഷണം:84
നിങ്ങളുടെ കവിത സമ്മര്‍പ്പിക്കാന്‍


കൂട്ടുകാര്‍ക്കും കാണാന്‍

Get Code



നിങ്ങളുടെ അഭിപ്രായം

മലയാളം കവിതകള്‍ / Malayalam Kavithakal (Poems)


മലയാള കവിത | Malayalam Kavitha

പുതുതായി ചേര്‍ന്നതു

ഈ മാസ വിജയിതാവ്

Random കവിതകള്‍

web hosting

For Advertising, Contact

കവിതകള്‍

ഇതും നോക്കുക

Live Cricket Scores

അധികം എഴുതിയവര്‍ (Top Contributors)

ഈ മാസം അധികം എഴുതിയവര്‍

Join Vaakyam on follow me