പെൻസിൽ
പെൻസിൽ
പുസ്തകത്താളിലെൻ
അക്ഷര മുത്തുകൾ
നേർത്ത നൂലാൽ കോർത്തു തന്നതും നീ
വടിവൊത്ത എൻ വാക്കിനു
ചന്തം ചാലിച്ചലംകൃതമാക്കിയതും നീ
കൂർത്ത മിഴി മുനകളാലെൻ ചിത്രങ്ങൾ
കൊറിയെടുത്തു തന്നതും നീ
നിൻ പൂമേനിയെ രാകി
കാറ്റിൽ പറത്തിയെറിഞ്ഞിട്ടും
നിൻ കണ്മഷി പടരാതെ തൂത്തു കളഞ്ഞിട്ടും
തെല്ലും പരിഭവമില്ലാതെൻ
വിരൽ തുമ്പിലമ്മാനമാടിയ നിന്നെ
ചന്തമാം പെട്ടിയിൽ
അളന്നു കുറിച്ച സ്കെയിലിൽ കിടത്തി
ഇരുവശവും ക്രൂരരാം റബറും, കട്ടറും
ചേർത്താണിയടിച്ചു ഞാൻ
അവസാന ശ്വാസം വരെയും നീ എനിക്കായ്
പൊരുതി ചിന്തിയ നിൻ തിരു നിണം
വീണലംക്രിതമായ എൻ പുസ്തക താളിൽ
പെൻസിലിൻ മുന കൊണ്ടു ചാലിച്ചൊരൊപ്പാൽ
നിനക്കെൻ സ്നേഹ ചുംബനം
ജിബി ഡീൻ
Not connected : |
