കുഞ്ഞേച്ചി
ഏകാന്തയാമങ്ങളെന്നെപ്പുണരുന്നനേരത്ത്
ഓടിയൊളിച്ചു, ഞാനീരാവിൻ മടിത്തട്ടിൽ
തൂവെൺമയോതുന്നപാൽനിലാപൊയ്കയിൽ
ഞാൻ നിനവോടെ കൺപാർത്തിരുന്നനേരം...
ദൂരെ നിന്നെങ്ങോ കേട്ടൊരാകാൽകൊഞ്ചൽ
എന്നെത്തലോടിടുന്നൊരുനറുപുഷ്പമായ്...
കൂടെപ്പിറന്നില്ല,എന്നമ്മപാലൂട്ടിയില്ലെങ്കിലും
എന്നുമെൻകുഞ്ഞേച്ചിയായ്മാറിയെങ്കിൽ...
ഒരുമാത്രഞാനും നിനച്ചൊരീനേരത്തെന്നിൽ
ഒരുജന്മമല്ലവൾ ആയിരംജന്മങ്ങളെനിക്കുതന്നു...
നിറകണ്ണുമായ് ഞാൻചാരത്തണയുന്നനേരത്ത്
നറുപുഞ്ചിരിയാലെന്നിൽ സ്വാന്തനം തന്നവൾ
എന്നുമെന്നുള്ളിലെ നൊമ്പരം അറിഞ്ഞവൾ
ആ മടിത്തട്ടിൽ എന്നെയുറക്കിലാളിക്കവെ
ഒരുനവപുണ്യം ചൊരിയുമെൻ കുഞ്ഞേച്ചിയായ്.
Not connected : |
