പ്രവാസിയും പ്രയാസവും - തത്ത്വചിന്തകവിതകള്‍

പ്രവാസിയും പ്രയാസവും 


പനിനീർ ദളം വാടി വീണുടഞ്ഞാ...
മണിയറയിൽ നീ തനിച്ചാണറിയാം...
കണ്ണീർ കണം കവിളിലുമ്മ വെയ്ക്കാൻ
കൊതി പൂണ്ട രാവേറെയാണറിയാം...
അഴകേ പറന്നെത്തുമരികത്തുടൻ തന്നെ..
കണ്ണീർ തുടച്ചു നീ കാത്തിരുന്നോ..
വാതിൽ തുറന്നിട്ടു കാത്തിരുന്നോ...

മുറ്റത്ത് നാം നട്ട ചെമ്പകത്തൈകളി-ന്നാരോ പറഞ്ഞു വളർന്നുവെന്ന്...
എങ്കിലാ കൊമ്പത്തൊരൂഞ്ഞാല് കെട്ടി...
തിരുവോണ നാളിനേ വരവേൽക്കണം...
തിരുവോണ നളിലാ പൂമുഖക്കോലായിൽ....
ഇലയിട്ടു സദ്യയൊന്നുണ്ണണം...
മതിവരാതിന്നെൻറെ ഉള്ളിൽ കിടക്കുന്ന
മോഹങ്ങളെല്ലാം നീ നിറവേറ്റണം...

പാതിരാ പൂമെത്ത ചേലിൽ വിരിച്ചി-
ട്ടൊരത്തറിൻ ഗന്ധമായ് നീ വരേണം...
മൈലാഞ്ചി മണമുള്ള കൈ കൊണ്ടെ-
ന്നിട നെഞ്ചിൽ പരതേണമിത്തിരി നാണമോടേ....
നിൻ വിരൽ തുമ്പാൽ പരത്തിയ പത്തിരി...
തിന്നുവാൻ ഒത്തിരി മോഹമായീ...
ഓർക്കവേ നാവിലേ സ്വാദിൻ മുകുളങ്ങൾ...
അറിയാതെ ഇന്നിതാ നൃത്തമാടീ...

ഓളങ്ങളല തല്ലും കരളിലാ കടലോരം...
തിരയടിച്ചുയരാതിരുന്നുവെങ്കിൽ...
ഓമനേ നിന്നോർമ്മ സങ്കടത്തുള്ളിയായ്
കുത്തീയൊലിക്കാതിരുന്നുവെങ്കിൽ...


up
0
dowm

രചിച്ചത്:മുസദ്ധിഖ് കള്ളിയൻ നീരോൽപ്പാലം
തീയതി:09-06-2016 11:57:22 AM
Added by :Musadhique Kalliyan
വീക്ഷണം:120
നിങ്ങളുടെ കവിത സമ്മര്‍പ്പിക്കാന്‍


കൂട്ടുകാര്‍ക്കും കാണാന്‍

Get Code



നിങ്ങളുടെ അഭിപ്രായം

മലയാളം കവിതകള്‍ / Malayalam Kavithakal (Poems)