മാതൃവിയോഗം  - തത്ത്വചിന്തകവിതകള്‍

മാതൃവിയോഗം  

മണ്ണിനെയും നിന്റെയീ മക്കളെയും പിരിഞ്ഞു
വിണ്ണിലെക്കിത്രവേഗം അമ്മേ നീ മടങ്ങിയോ...?
കർത്തവ്യങ്ങൾ പൂർണ്ണമായ് പൂർത്തിയാക്കയാലിനി-
കാത്തിരിക്കേണ്ടതില്ല എന്നു നീ കരുതിയോ...?

നാലു മാസങ്ങൾ മുൻപു നിൻ പാദം ചുംബിച്ചു ഞാൻ
പിരിയുന്പോൾ നീ ചൊല്ലി "ഉണ്ണീ നീ വരേണ്ടിനി"!
ആ വാക്കിൻ പൊരുളന്നു കാര്യമാക്കിയില്ല ഞാൻ
ദീർഘദർശനം നിന്റെ ശൈലിയെന്നറികിലും...!

തണുത്തു പോയെന്നാലും പവിത്രമാം നിൻ മേനി
ധരത്ത്രിക്കു ദക്ഷിണ കൊടുക്കും കാഴ്ച കാണാൻ
കരുത്തില്ലെനിക്കെന്നു കൃത്യമായറിഞ്ഞുകൊ-
ണ്ടല്ലേ നീ ആ വാക്കുകൾ മൊഴിഞ്ഞതെന്നോടന്ന്...?

ആകയാലിന്നിപ്പോളങ്ങോടിവന്നു നിൻ മഞ്ചം
പേറുവാനാകാതെയാൽ നിൻ മൊഴി യാദാർധ്യമായ്...!
അല്ലങ്കിലൊരുപക്ഷെ "ദേഹിയില്ലാതെയുള്ള
ദേഹങ്ങൾക്കെന്തേ വില" എന്നു നീ കരുതിയോ...?

ആചാരങ്ങളത്രയും ഉപചാരങ്ങൾ ഭൂവിൽ-
ആത്മാവിൻ ബന്ധം തന്നെ ബന്ധമേഴുലകിലും.
പാടിയ മൈന പോയ കൂടു മാത്രം കാണുവാൻ-
പാടുപെട്ടെന്തിനിനി ഓടിയെത്തണമീ ഞാൻ...?

പത്തു മാസം നിന്നുള്ളിൽ പാർത്തതിൻ പ്രതിഫലം
കൃത്യമായ് നൽകാൻപോലും കഴിഞ്ഞിട്ടില്ലിനിയും...!

കരഞ്ഞും നനഞ്ഞും ഞാൻ ഉലകിലെത്തിയപ്പോൾ-
കരത്തിലണച്ചെനിക്കന്നുനീ തന്ന മുത്ത-
മതിന്റെ ചൂടും ചൂരും നുകരുന്നിപ്പോഴും ഞാൻ
ഇന്നാക്കരങ്ങൾ രണ്ടും നിശ്ചലമാകുന്പോഴും...

ഇന്നു നിൻ ഹൃദയത്തിൻ സ്പന്ദനം മൂകമായി-
ശൈത്യത്തിൻ കണികകൾ ഉറഞ്ഞു തുടങ്ങവേ-
അമ്മിഞ്ഞിപ്പാലൂട്ടി നീ സ്പന്ദനമേകിയൊരീ-
എൻ ധമനികൾ നിന്റെ വേർപാടിൽ പിടയുന്നു.

തന്ത്രികൾ പൊലിഞ്ഞൊരു വീണയായ് നിശബ്ദയായ്...
മൃത്യുവിൻ കരങ്ങളിൽ ഇന്നു നീയുറങ്ങവേ...
പണ്ടു നീ പാടിയതാം താരാട്ടു പാട്ടുകൾ തൻ-
രാഗവും താളവുമെൻ കാതിൽ മുഴങ്ങുന്നു പോൽ...!

ചോരയും നീരുമൊപ്പം പ്രഭയും കാന്തിയും നിൻ-
ആത്മശോഭയുമൊന്നായ് പൂർണമായ് ദാനം ചെയ്തു...
ഞെട്ടറ്റു വാടിയിന്നു പൂഴിയിൽ വീണ പൂവേ...
സാധിച്ചു പൂർണമായ് നീ നിൻ നിജ നന്മദൗത്യം...!

ആകയാൽ നിനക്കായിന്നീശ്വരൻ കരുതുമാ-
പാരിതോഷികം വാങ്ങാൻ പോകനീ പ്രിയ തായേ...
പട്ടുവിരിച്ചെനിക്കായ് നീ തെളിച്ച പാതയിൽ-
ഒട്ടുദൂരം കൂടിനി പോവേണ്ടതുണ്ടല്ലോ ഞാൻ...

ഭദ്രമായ്‌ നീ എൻ കൈയിൽ കത്തിച്ചു തന്ന ദീപം-
ലക്ഷ്യസ്ഥാനമതെത്തിച്ചെത്രയും വേഗത്തിൽ ഞാൻ
പെട്ടെന്നു പുറപ്പെടാം നിന്നടുത്തെത്തീടുവാൻ
കണ്ണീർമഴ പെയ്യാത്ത വിണ്ണിലെ ആരാമത്തിൽ...


up
0
dowm

രചിച്ചത്:Thomas Muttathukunnel
തീയതി:12-06-2016 05:58:03 PM
Added by :Thomas Muttathukunnel
വീക്ഷണം:85
നിങ്ങളുടെ കവിത സമ്മര്‍പ്പിക്കാന്‍


കൂട്ടുകാര്‍ക്കും കാണാന്‍

Get Code



നിങ്ങളുടെ അഭിപ്രായം

മലയാളം കവിതകള്‍ / Malayalam Kavithakal (Poems)


മലയാള കവിത | Malayalam Kavitha

പുതുതായി ചേര്‍ന്നതു

ഈ മാസ വിജയിതാവ്

Random കവിതകള്‍

web hosting

For Advertising, Contact

കവിതകള്‍

ഇതും നോക്കുക

Live Cricket Scores

അധികം എഴുതിയവര്‍ (Top Contributors)

ഈ മാസം അധികം എഴുതിയവര്‍

Join Vaakyam on follow me