നല്ലപാതി - പ്രണയകവിതകള്‍

നല്ലപാതി 

മൗനം കനക്കുന്ന മുഖമാണു നീ, സ്നേഹ-
സ്വപ്നം തളിർക്കും കരളാണു നീ...

തീക്ഷ്ണദുഃഖം, പിണക്കം, പരാതിശ്രുതി,
വേണ്ടെനിക്കൊന്നുമെന്നേറ്റ രോഷം.
വീണ്ടുമെന്നുച്ചയ്ക്കു മുൻപേ, തിളയ്ക്കുന്ന
കാളും വിശപ്പിന്നു സ്വാദൊരുക്കം.
നല്ലിളം കാറ്റുകൾ പൂക്കുന്നൊരോർമ്മയിൽ
നീങ്ങുന്നു നോവിന്റെ തേൻനിലാവ്.

മൗനം തണുക്കും പുതപ്പാണു നീ, സ്നേഹ-
സൗഭാഗ്യ ഭദ്രക്കരുത്താണു നീ...

ഇടഞ്ഞും പിണഞ്ഞും പിരിഞ്ഞൊട്ടു മാറാതെ -
യാടുന്നൊരാഗ്നേയ രാഗഗീതം.
ജ്വലിക്കും മഹാദിവ്യ താരാട്ട്, വാഴ്വിന്റെ
സൂര്യോദയം, ശാന്തി, തീർത്ഥഗംഗ.
ബ്രഹ്മാണ്ഡപുണ്യം തെഴുക്കുന്നു, കാവലാ-
യാമയം തീണ്ടാതെ പത്തുദിക്കും.

മൗനം മണക്കുന്ന പൂവാണു നീ, സ്നേഹ-
വാത്സല്യ വർണ്ണത്തുടിപ്പാണു നീ...

എന്മക്കളേട്ടനെന്നോരോ വ്രതങ്ങളായ്
ജന്മം പകുക്കും മഹേശതാര,
ചിരിതൂകി നില്ക്കുന്ന ജ്ഞാനദാനപ്രഭ,
പ്രണയാർദ്ര പുഷ്ക്കലം ഞാറ്റുവേല,
വഴിവെട്ട, മേതിരുൾക്കാട്ടിലും കൈത്താങ്ങ്,
മിഴികൾ, നീ,യെന്നുമെൻ നല്ലപാതി.


up
0
dowm

രചിച്ചത്:രജി ചന്ദ്രശേഖർ
തീയതി:21-06-2016 09:25:56 PM
Added by :രജി ചന്രശേഖർ
വീക്ഷണം:947
നിങ്ങളുടെ കവിത സമ്മര്‍പ്പിക്കാന്‍


കൂട്ടുകാര്‍ക്കും കാണാന്‍

Get Code



നിങ്ങളുടെ അഭിപ്രായം

മലയാളം കവിതകള്‍ / Malayalam Kavithakal (Poems)


മലയാള കവിത | Malayalam Kavitha

ജന്മദിന ആശംസകള്‍

പുതുതായി ചേര്‍ന്നതു

ഈ മാസ വിജയിതാവ്

Random കവിതകള്‍

web hosting

For Advertising, Contact

കവിതകള്‍

ഇതും നോക്കുക

Live Cricket Scores

അധികം എഴുതിയവര്‍ (Top Contributors)

ഈ മാസം അധികം എഴുതിയവര്‍

Join Vaakyam on follow me