എന്റ്റെ മതം
പിറന്നു വീണത് ഒരു മനുഷ്യനായിട്ടായിരുന്നു
ദിവസങ്ങൾക്കുള്ളിൽ
എനിക്കു പേര് വീണു
ആ പേരിലൂടെ ഞാനെൻെറ മതമറിഞ്ഞു
ആദ്യ ദേവാലയ ദർശനത്തിലും
ഞാനേതു മതമെന്ന് നാടറിഞ്ഞു
ആദ്യാക്ഷരം ചൊല്ലുമ്പോഴും
ഒരു മതത്തിൻ ചുവയുണ്ടായിരുന്നു
സ്കൂളിൽ ചേർന്നപ്പോഴും ചോദ്യം വന്നു -
കുട്ടിയുടെ ജാതി / മതമെന്തെന്നു
പിന്നുള്ള ഓരോ ചുവടുവയ്‌പിലും
മതമെന്റെ നിഴലായി കൂടെയുണ്ടായിരുന്നു
സ്നേഹിച്ച പെണ്ണിനെ വിളിച്ചപ്പോഴും
മതമെന്റെ മുന്നിൽ തടസ്സമായി
മതമെന്നെയെന്നും പിന്തുടർന്നു
മരണം വരെയുമതു കൂടെ നിന്നു
ആത്മാവ് മാത്രമായി തീർന്നപ്പോഴോ .......
മതത്തെ തേടി ഞാനലഞ്ഞു.
Not connected : |
