ചിരി...
ചിരി
അവൾ എപ്പോഴും
ചിരിക്കുമായിരുന്നു-
എന്റെ നർമ്മം പൂശിയ
വിഡ്ഢിത്തരങ്ങൾക്കു മുൻപിലും
എന്നത്തെയും പോലെ അവൾ
ചിരിക്കുമായിരുന്നു!!
ഇന്നും ആ കണ്ണുകൾ
അടയുന്ന മാത്രയും
അവൾ ആ ചിരി തുടർന്നു,
ആ തിളങ്ങുന്ന കണ്ണുകളിൽ
എന്നെയും എനിക്കു
കാണാമായിരുന്നു.
അവൾക്കു വേണ്ടി എന്റെ
കണ്ണുകളിൽ ചിരിയുടെ
പെരുമഴ പെയ്യുന്നത്
ആ കണ്ണുകളിൽ
അവസാനമായി ഞാൻ കണ്ടു.
ആ കണ്ണുകൾ ഇന്നു
മറ്റൊരാളുടേതാണ്-
ആ കണ്ണുകളിൽ
ആദ്യമായി ഞാൻ കണ്ടത്
ചിരിക്കുന്ന കുറെ കണ്ണുകൾ.
ആ കണ്ണുകൾ എന്നൊക്കെ
നനഞ്ഞാലും
ഇപ്പോഴും ആ ചിരി
അവിടെ തന്നെ
തെളിഞ്ഞു കാണുന്നു -
" ചിരിക്കുക ചിന്തിക്കുക "
Not connected : |
