ഒരു പാഴ്ക്കിനാവ്...
"അറിയുവാനാശിച്ചിടുന്നു ഞാൻ പ്രിയ സഖീ
നിന്നിലെ എന്നോമൽക്കനവുകളെ...
മയക്കം മറന്നൊരു മിഴികളായ്‌ ഞാനെന്റെ
മനസിന്റെ ഏകാന്ത തീരങ്ങൾ തൻ
മലർക്കെ തുറന്നിട്ട ജാലകച്ചാരെയെൻ
സ്വപ്നങ്ങളായ് നിന്നെ കാത്തിരിപ്പൂ...
എരിയുന്ന കരളിന്നു കുളിരേകിയെത്തുന്നൊ-
രിനിയും മരിക്കാത്ത നിന്നോർമ്മകൾ-
ക്കറുതിയില്ലെങ്കിലും വറുതിയാലെൻ മന-
മാകെ തളർന്നങ്ങു പോയിടുമ്പോൾ
കരതലമേകി കരുതി നടത്തുവാൻ
നീ കൂടെയുണ്ടായിരുന്നെങ്കിലെന്നു ഞാൻ
വെറുതേ നിനച്ചങ്ങു പോയിടുന്നു..."
Not connected : |
