നഗരം
നഗരം
---------------------------------
ഒറ്റപ്പെട്ട തുരുത്തു പോലെ ജീവിതങ്ങൾ .
വസന്തത്തിലും ഇലകൊഴിഞ്ഞു നിന്നാടുന്നവൃക്ഷങ്ങളെ പോലെ.
ചില മനു ഷ്യ കോലങ്ങൾ.
പെൺഇരയെ ചൂണ്ടയിൽ കോർത്ത് .മനുഷ്യ മൃഗങ്ങൾക്ക്.എറിഞ്ഞു
കൊടുത്തു.
പച്ച നോട്ടിന്റെ ഗന്ധം നുകർന്ന് ആടി,
മദ്യശാലയിൽ അഭയം തേടുന്ന, നരജന്മങ്ങൾ .
പിഞ്ചുകുഞ്ഞിന്റെ നെഞ്ചിൽ നോക്കി,
പ്രായത്തിന്റെ അളവുകോൽ എടുക്കുന്ന നരാധമൻമാർ.
ഇരുട്ടിന്റെ മറവിൽ നഗ്നമാം മേനിയിൽ തീ കൊണ്ട് കുത്തി നോവിക്കുന്ന പകൽ മാന്യന്മാർ.
മധുശാലയിൽ മാതോമത്തരായി, അന്യന്റെ മാറിൽ തലചായ്ച്ചുറങ്ങും
പണക്കൊഴുപ്പിന്റെ നേര്കാഴ്ച്ചയായ തരുണീമണികൾ .
ഒരു നേരത്തെ വിശപ്പടക്കാൻ വഴിയോര വാണിഭം നടത്തുന്നവന്റെ
നേരെ വിരൽ ചൂണ്ടി
വില പേശി,വിജയിച്ചു നടന്നു നീങ്ങുന്ന ഉന്നതകുലജാതികൾ .
നഗരത്തിൻ കാപട്യം .അറിയാതെ വന്നുപെടുന്ന ആൺ ,പെൺ കോലങ്ങൾ .
കണ്ടു ,മടുത്തു .ഈ കാഴ്ചകൾ .
തൻ നാടിന്റെ നന്മയിലേക്കു മടങ്ങുവാൻ .പറ്റാത്തവണ്ണം കുരുങ്ങി
പോയ് ഇവിടെ കുറെ ജീവിതങ്ങൾ ...
സന്തോഷ് ആർ പിള്ള
Not connected : |
