ദയാമരണം
അൻപതു കഴിഞ്ഞവർ ഖജനാവു-
കൊള്ളയടിച്ചാൽ സൂരക്ഷനിശ്ചയം.
അന്വേഷണം വഴി മുടക്കിയും
കുറ്റപത്രം ഒളിപ്പിച്ചുവച്ചും
രക്ഷയില്ലാതെ നിയമത്തിന്റെ
ഉന്നതങ്ങളിൽ ഫയലുറങ്ങും.
ശനിദശാകാലം കഴിയുമ്പോൾ
രണ്ടുദശാബ്ദങ്ങൾ കഴിയും,പിന്നെ
മറ്റൊരു ദശാബ്ദം ന്യായവിധിക്കായ്.
എണ്പതുകളിലെത്തിയ ചരിത്ര-
പുരുഷന് ദയാമരണമാകും
മനുഷ്യോപനിഷത്തിലെ സ്‌മൃതി.
ത്യാഗത്തിന്റെ പാപശമ്പളമായി
നിയമങ്ങളെന്നും കാരാഗൃഹത്തിൽ.
Not connected : |
