രാഷ്‌ട്രപതി ഭവൻ
അന്തിമയങ്ങിയ നേരം ഈ ആകാശത്തിൻ കീഴെ
അമ്പിളിമാമൻ പ്രഭയിൽ മുങ്ങി പൊങ്ങി നിവരും
വെണ്ണക്കല്ലിൻ മകുടം, ലുട്ട്യൻസ് എന്നൊരു
സായിപ്പിൻ കരവിരുതാണിത് മറക്കാതെ
ഇത്ര മനോഹര ഗേഹമതിൽ
വാണൊരുമഹാന്മാരിൽ
എ പി ജെ എന്നൊരപൂർവ്വഭാഗ്യവുമുണ്ടായത്
ഈ കാലത്തിൻ ഭാഗ്യമതെന്നും ഓർമ്മിയ്ക്കാൻ
തങ്കലിപികളിൽ ചാലിച്ചൂ ഈ ഭാരതമണ്ണിൻ
മാറിൽ അത് മായാതെന്നും തിലകക്കുറിയായ്‌ ചാർത്തേണം
ധീരതയോടെ പൊരുതി വീരചരമം പൂകിയ
നിരഞ്ജനെ പോലുള്ളൊരു
പുത്രന്മാരുടെ പേരുകളും
ഇത്രമനോഹര ഗേഹത്തിൻ ചുവരുകളതിൽ പാകേണം
Not connected : |
