പണ്ട് പണ്ടൊരു...
---------------------------
കൈതോലപ്പായ വേണം
നിവര്‍ന്നൊന്നു കിടക്കാൻ
മുത്തശ്ശിയേയും മുത്തച്ഛനേയും
സ്‌മരിച്ചൊന്നു മുത്താൻ
ഒരു മുട്ടിപ്പലക വേണം
അതിലൊന്നിരിക്കണം
ഉപ്പും മുളകും ഇഞ്ചിയും* ചേർത്തു
ഉച്ചക്കു മുമ്പേ പഴങ്കഞ്ഞി മോന്തണം
മുറ്റത്തൊരു ഊഞ്ഞാല കെട്ടിയ
തേന്മാവു വേണം
ആകാശം നോക്കി
ഊഞ്ഞാലയാടി പറവകളോട്
കിന്നാരം പറയാന്‍....
മുജ്ജന്മ സുകൃതത്തിൻ
സ്മരണകൾ വേണം
ഹൃദയ നൊമ്പരങ്ങളോട്
വിടപറയാന്‍
-സാലിം നാലപ്പാട്
(ഉപ്പും മുളകും ഇഞ്ചിയും* = വെള്ളത്തില്‍ വെറും ഉപ്പും അല്‍പം ചെറുനാരങ്ങ നീരും പച്ച മുളകും ചതച്ചു ചേര്‍ത്തു പണ്ട് ഉമ്മ ഉണ്ടാക്കുന്ന ഒരു രുചി വിഭവമുണ്ട്, ഞങ്ങളതിനു "ഉപ്പുമ്മുളകുതണ്ണി " എന്നാണു പറയുക )
Not connected : |
