ഈ നിശയിൽ
ഈ നിശയിൽ
ഈ നഗ്ന നിശയുടെ സൌന്ദര്യമെൻ സിരാ -
വ്യൂഹത്തിൻ, ഹൃദയത്തിലാഴ്ന്നാഴ്ന്നിറങ്ങുന്നു
മൃദുലമാമിരുളിന്റെ വളവുകളെന്റ മെയ് തഴുകുന്നു;
കുളിരിന്റെയലയെന്നെ മുത്തുന്നു.
ഒഴുകുന്ന കാറ്റിലീയുലയുന്ന കാർമേഘ
പടലങ്ങളെൻ മുഖം തഴുകുന്നു പിന്നെയും ...
കാറ്റിലീത്താളുകൾ പിൻപോട്ടു മറയാതിരിക്കുവാൻ നോക്കാം;
സ്വപ്നങ്ങൾ കാണാതിരിക്കുവാൻ നോക്കാം
ഒന്നുമൊന്നും ചേർന്നൊരൊന്ന്
തുറു കണ്ണു കാട്ടുന്നു ഗണിതം!
..........
ഒരു പാന്ഥനലറുന്ന കടലിൽ,
അലിയുന്ന മഞ്ഞിൻ തുരുത്തിൽ
വിളറി വിതുമ്പി നിൽക്കുന്നു
കാലത്തിൻ ചിറകടിശബ്ദം
വീണ്ടും പ്രതിദ്ധ്വനിക്കുന്നു;
നേരിയ നീല രോമങ്ങളിൽ, കൺകളിൽ,
അധരത്തിലണുവിന്റെയണുവിൽ.
Not connected : |
