അശ്രുപർവ്വം ...
ഈപ്രപഞ്ചവുമീ ഭൂമിയുമെത്രനാൾ ?
അന്ത്യവിലാപം ദൂരെയല്ലിനിഅരികെ
അരുതെമൗനം അരുതീനിദ്രയിതിനിയും നാം
മാതാവിന്നായ് ഉയിര്ക്കൊടുക്കാനുണരുക നാം
കാടുമുടിച്ചുമരങ്ങൾ മരിച്ചു താപക്കൊടുമുടിയിൽ
മലയും കാറ്റും മണ്ണും മരണം കാത്തു കിടക്കുന്നു
ഇവിടെമുളക്കുംപുതുനാമ്പുകളിനി എങ്ങിനെവളരും ?
പാപക്കറയുടെ ശാപപ്പുരകൾക്കുള്ളിൽ നമ്മൾ
കണ്ണുകൾമൂടി ഇരുട്ടുപരത്തി യാത്ര തുടർന്നാൽ
മാതൃവിലാപം കേൾക്കാൻ നേരംതികയില്ലെന്നാൽ
സ്വാർത്ഥത തന്നുടെ ശീതള സുഖവും തേടിയലഞ്ഞാൽ
മറുകരയണയുംമുൻപേ മരണം നിന്നെ വരിക്കും
ഭൂമിമടുത്തിനി ചൊവ്വയിലെത്തി മനുഷ്യകരങ്ങൾ
മാറുപിളർന്നാ ചോരയുമൂറ്റി വലിച്ചുകുടിക്കാനോ ?
നന്ദിയൊരൽപ്പംമനസ്സിൽ ബാക്കിയിരിപ്പുണ്ടെന്നാൽ
അവിടെപ്പണിയുക ഭൂമിക്കായൊരു സ്മാരക സൗധം
Not connected : |
