ഹൃദയനൊമ്പരങ്ങൾ
ഹൃദ്യമായൊരു
പുഞ്ചിരിയിൽക്കൂടെയെൻ
ചാരേ വന്നണഞ്ഞെൻഹൃദയം
കവർന്നൊരു ശ്യാമമോഹിനി നീ... മോഹിപ്പിച്ചുകടന്നൊരാ
സുരസുന്ദരി നീ...
വേദനകൾ ഏറ്റുവാങ്ങി,
എൻഹൃദയനൊമ്പരം
അറിയാത്ത മറ്റൊരാ
ഹൃദയമെന്തിനീ നിനക്ക് ?
മമ മനതാരിൽ മുളച്ചോരനുരാഗത്തിൻ
വേദനയിൽ ഏകാന്തതയിൽ
സ്വപ്നമഞ്ചലിലേറി ഞാനിരിക്കുന്നു.
എൻനിദ്രതൻ കനവുകളിലും
മിഴിയിണ തുറക്കുമ്പോൾ
നിനവുകളിലും
നിന്നോർമ്മകൾ മാത്രം സഖീ.
പാവമാം എൻമനതാരിൽ
പാഴ്വിത്തു പാകിയൊരു
പെണ്‍കിളി നീ..
എൻഹൃദയസ്പന്ദനം
നിനക്കായി തുടിച്ചൊരാ നാളുകളിൽ കനലെരിയുമെൻമനതാരിലൊരു rnകുളിർമഴയായി
നീ പെയ്തിരുന്നെങ്കിൽ !
വേദനകള്‍ എനിക്കൊരു
ലഹരിയായി പടരുന്നീ
നാളുകളിൽ നിന്നോർമകളെൻ
സിരകളിൽ അവാച്യമായൊര-
നുഭൂതിയായിമാറുന്നു.
രാത്രിമഴതൻകുളിരില്‍
കൂടറ്റ കിളിയുടെ ആർത്തനാദം
കേട്ടുറങ്ങുവാന്‍ വേർപിരിഞ്ഞ
ആത്മാക്കളെന്നെ വിളിക്കുന്നു.
ഹൃദയതന്ത്രികൾ
പൊട്ടിത്തകർന്നോരു അപശ്രുതിയിലാണിന്നെൻജീവിതം.
Not connected : |
