ഉമ്മ
ഉമ്മതന്നാസ്വാദ്യമമ്മ തരുമ്പോഴും,
അച്ഛൻ തരുമ്പോഴും വേറേ,
അത് കാന്തൻ ടെതാകിലോ വേറേതന്നെ.
അമ്മയാമുത്തം തൻ മക്കൾക്ക് നൽകീടിൽ-
മാതൃത്വത്തിൻറെ മഹത്വം,
അത് സംരക്ഷണത്തിൻറെയൊപ്പ്.
വാക്കിന്നതീതമായ് മാറുമ്പോൾ സ്നേഹത്തെ,
ഉമ്മ നല്കീയുള്ളം കാട്ടീടുംബോൾ ,
എല്ലാം മറന്നുള്ളോരാത്മാർഥ സ്നേഹത്തെ,
കാണാം നമുക്കാ നിമിഷ നേരം.
ഉള്ളിൽ വിദ്വെഷത്താലുമ്മ കൊടുത്താലും,
ഉമ്മയ്ക്ക് മാധുര്യമെന്നുമെന്നും.
ഉമ്മയതുള്ളിൻടെ സ്നേഹമറിയിക്കാൻ
ഈശ്വരൻ തന്ന വരമോ?
എന്നു ജനിച്ചു അതെങ്ങനെ നമ്മിലെ,
സ്നേഹത്തെ കാട്ടിക്കൊടുത്തീടുന്നു?
അമ്മതൻ 'മ്മ' എന്നക്ഷരമുമ്മയെ -
അമ്മയോടേറെയടുപ്പിക്കുന്നു, ആ
മാതൃത്വമുമ്മയിൽ സ്നേഹമായീ...
Not connected : |
