വിളക്ക് അണയാൻ..
ഞാനെന്റെ പള്ളിയറക്കാവിലുറങ്ങുമ്പോൾ
ഓർക്കുമോരോചെയ്തിയും.
കാഴ്ചവെച്ച സുകൃതങ്ങളെല്ലാം
മനസ്സിലെ കണ്ണാടിയിൽ വിളങ്ങും.
നേരമില്ലിനിയും മാറ്റി പ്രതിഷ്ഠിക്കുവാൻ
കഴിവില്ലിനിയുമീ ശരശയ്യയിൽ കിടന്നു
മാറ്റുരച്ചു നോക്കാൻ
കാണും ശോകനാടകങ്ങളോരോന്നും.
ഓരോ കാഴ്ചയിലും ഞാനെന്റെ
പരാജയത്തിലെ അപമാനങ്ങൾ
അയവിറക്കി വിളക്ക് അണയാൻ
ആ ഇരുണ്ട സന്ധ്യയെ കത്തു കിടക്കും.
Not connected : |
