'അമ്മ തന്ന അടികൾ
'അമ്മ തന്ന അടികൾ '
വടിവെട്ടി അടിപൊട്ടി തുടപൊട്ടി ...
ഇരവെത്തി അവരെത്തി കവിളിമുത്തി ..
അധരത്തിൽ സ്നേഹത്തിൻ മധുരത്തിൽ...
നയനത്തിൽ നോവിന്റെ നിഴലോടെ ...
ആ വടിയുടെ പാടുകൾ വടിവൊത്ത ജീവിതം
കവിളിലെ ഉമ്മകൾ കൈവന്ന നന്മകൾ
വടിയുടെ പാടുകൾ മാത്രമായീടുകിൽ വഴിപിഴച്ചാകുഞ്ഞു വളരുന്നു മുള്ളുപോൽ
അടിയുടെ നീറുന്ന പാടിനോടൊപ്പം
നറുചുംബനം തന്നൊരമ്മയുണ്ടെങ്കിൽ,
കഥപറഞ്ഞേക്കുന്നൊരമ്മയുണ്ടെങ്കിൽ, ശരിപറഞ്ഞോതുന്നൊരമ്മയുണ്ടെങ്കിൽ ,
അതിനൊക്കെ നേരമുള്ളമ്മയുണ്ടെങ്കിൽ,
വഴിപിഴയ്ക്കാനവനാകില്ല വേഗം,
കൊല്ലാനവന്റെകൈ പൊങ്ങിലൊരിക്കലും ...
പെണ്ണിന്റെ മാനത്തേ നോവിക്കില്ലാമകൻ...
നാട്ടിൽ നടക്കുന്ന പീഡനം വാണിഭം ,
തല്ലലും കൊല്ലലും, കൊള്ളയും കള്ളവും
ശേഷിക്കയില്ലയീ സംസ്കാരശോഷണം ....
Not connected : |
