കാലം പറയുന്നത്
ഇന്നലെ വീണ രണ്ടിറ്റ്;
വിശപ്പുണ്ടായിട്ടും വേനലിന്
തോന്നിയ ദയ,
നിന്റെ കാർബൺ സൽക്കാരത്തിന്റെ
പകയടങ്ങാഞ്ഞും കാട്ടിയ ദയ.
കിണർ നിറച്ചു ,
എന്റെ തവള കുഞ്ഞൻ പട്ടിണിയാകരുത്
തൊടി നനച്ചു,
വയറൊട്ടിയുണങ്ങിയ
മരങ്ങളെന്ത് പിഴച്ചു.
വയൽ പുത്പ്പിച്ചു
നെൽക്കതിർ സ്വർണ്ണം
ഒളിമങ്ങരുതല്ലോ
ഇനിയും ഒരു ദയാഹർജി പോലും
നീ സമർപ്പിച്ചില്ലല്ലോ
നിന്റെ കോടതിയിൽ
ഞാനാണിപ്പോഴും കുറ്റക്കാരനല്ലേ
Not connected : |
