മറ്റൊരിടമില്ലാതെ.
ഞാൻ ജനിച്ച കവാടം.
ഞാൻപഠിച്ച കളരി
ഞാൻ കളിച്ച മൈതാനം
ഞാൻവളർന്ന ഗ്രാമം
ഞാൻ നടന്ന പാതകൾ
ഞാനിരുന്ന വായനശാല.
എല്ലാം അപ്രത്യക്ഷമായെങ്കിലും
മാറ്റങ്ങളില്ലാതെ മനസ്സിലുദിക്കും.
എന്നെ ഞാനാക്കി മാറ്റിയ
ജീവിതത്തിന്റെ നാഴികക്കല്ലുകൾ.
ഞാൻ മാത്രമല്ല , എത്രയോ പേർ
ഇതു വഴി കടന്നു പോയി.
വർത്തമാനത്തിലിരുന്നു-
ഭൂതകാലമോർത്തപ്പോൾ
കരഞ്ഞും ചിരിച്ചും കളിച്ചും
പഠിച്ചും കഴിച്ചു കൂട്ടാൻ
ഭൂമിയല്ലാതെ മറ്റൊരിട-
മില്ലെന്നോർത്തു പോയി.
Not connected : |
