മടക്കയാത്ര #11
എനിക്കൊരു യാത്ര പോകേണം
പിന്നിട്ട വഴിയിലൂടെ ഏകനായി
നഷ്ട സ്വപ്നങ്ങളെ കോർത്തിണക്കി
ഓർമകളോട് കിന്നാരംചൊല്ലി പോകേണം
കണ്മറഞ്ഞതൊക്കെയും സത്യം
കേട്ടതിലേറെയും പൊളിവചനങ്ങൾ
അറിയാതെ ചെയ്ത അപരാധങ്ങൾക്കു
മാപ്പു നൽകി എന്നെ യാത്രയാക്കു
വേഷങ്ങൾ അനവധി കെട്ടിയാടിടുന്നു
ഈ ജീവിത യാത്രയിൽ കോറിയിട്ടു
ഈ ജീവിതം തന്നെ അഭിനയമാകുന്നു
ക്ലാവ് പിടിക്കുന്നു ബന്ധങ്ങൾ തമ്മിൽ
ജീവിത വേഷങ്ങൾ അഴിച്ചിടേണം
ഇനി ആവില്ല വീണ്ടും കെട്ടിയാടാൻ
ബന്ധങ്ങൾ ബന്ധനങ്ങളായി ഭവിക്കുന്നു
പോയി മറയേണം ഈ യാത്രയിൽ
എല്ലാം കിനാവുകൾ മാത്രമാണോ
സത്യവും മിഥ്യയും തമ്മിൽ പിണഞ്ഞു
കുരുക്കുകൾ എന്നെ ഏറ്റം മുറുക്കിടുന്നു
ഒടുവിൽ ഞാൻ പിടഞ്ഞു തീരും വരെ..
ഷൈജു യശോധരൻ
Not connected : |
