ഗോഡ്‌സെ നിരപരാധി ആകുമ്പോൾ!...
തൂക്കുകയറേറ്റിയ നിന്നെ
ഇന്നവർ പൂജിക്കാനെത്തുമ്പോൾ.
സാഹോദര്യത്തിൻ മണിമേടകൾ
നിന്റെ ചിത്രത്താൽ നിറയുമ്പോൾ.
അകലെ ഒരു കൂനയിൽ നിറംമങ്ങി-
ശയിക്കുന്നു നീ കൊന്നവയോധികൻ.
അകലെ തണുപ്പിച്ച മരണമുറിയിൽ
അവൻ ചീഞ്ഞളിയുമ്പോൾ.
നിന്റെ വിഗ്രഹം നാട്ടുന്നു
രാജ്യസ്നേഹികൾ.....
ഒരു പകലിൻ പകുതിയിൽ
നിന്റെ തോക്കു ശബ്‌ദിച്ചതും..
ദ്വിഗ് നടുങ്ങും നിലവിളിയാലാ-
വൃദ്ധൻ ഹേ റാം എന്നോതി മലച്ചതും..
മതം പുരട്ടിയ നാവിനാൽ
സാഹോദര്യം നീ തല്ലിതകർത്തതും.
പലമതമെന്നോതി ഞങ്ങളെ-
അസഭ്യം പറഞ്ഞതും ...
ഇന്നലെയെന്നപോൽ ഓർത്ത്-
നടുങ്ങുന്നു ഞാനിപ്പോഴും....
__അർജുൻ സാരംഗി
Not connected : |
