ദുഃഖപുത്രന്മാർ
ദുഃഖപുത്രന്മാരായി ജനിച്ചവർ
ദുഷ്ടന്മാരുടെ കെണിയിൽ പെട്ടവർ
സത്യത്തിന്റെ മുഖം വളച്ചൊടിച്ചു -
കുരിശുകൾ തീർത്തു വേദനകൾക്ക്
ചിറകുകൾ മുളപ്പിച്ചു മുൾകിരീട-
മണിയിച്ച മനുഷ്യ വംശത്തിന്റെ-
സഹതാപത്തിൽ കുറ്റബോധമില്ലാതെ.
ചരിത്രമാവർത്തിക്കുന്നീ മനോഹര ഭൂമിയിൽ
ആത്മാക്കളെത്ര പിടഞ്ഞു മരിക്കുന്നു.
സോക്രടീസും ഗാന്ധിയും മാർട്ടിനുമൊക്കെ
അഭിനവ സമാധാന ദൂതർക്ക-
ധികാരത്തിലിരുന്നു സല്ലപിക്കാൻ.
Not connected : |
