മാലാഖ
അരുത് അരുത് പൊന്നോമനെ ,
മാലാഖമാർ വെൺനിറ പ്രേമികളല്ലോ !
പലനിറം ചാലിക്കാൻ ഒരുമ്പെടും ,
എൻ കുഞ്ഞിൻ കൈയിൽ പിടിച്ചു ഞാൻ ചൊല്ലി.
ഭൂമിയിൽ ശാന്തി തൻ ,
സന്ദേശ ദൂതുവരായി,
ദൈവം അയച്ച ,
വെൺനിറ പ്രാവുകളല്ലോ .
കുഞ്ഞു കൈകളിനാലെൻ ഓമനാൾ
പുസ്തകത്തിൽ മാലാഖയെ വരയ്‌ക്കെ ,
എന്നെൻ അമ്മേ നം വീട്ടിൽ ,
മാലാഖ എന്നാ വരുന്ന ??
കുഞ്ഞു കൺ പീലിയാൽ ,
എൻ ഉത്തരത്തിനായി ആകാംഷയോടെ ,
എന്നെ ഉറ്റുനോക്കി
നിൽക്കുന്നു മലർവിഴിയാൾ .
എൻ മാലകയല്ലോ എൻ മകൾ ,
ദൈവം അയച്ച എൻ കണ്മണി ,
നിൻ വരവിനായി പ്രാർത്ഥിച്ച
നാളുകല്ലോ എൻ വാഴ്വിലേറെയും .
കൊച്ചരി പല്ലു കാട്ടി
ചിരിച്ചു കൊണ്ടവൾ ,
ഞാൻ മാലാഖയെങ്കിൽ എൻ
വെൺനിറ ചിറകുകൾ എവിടെ ??
അമ്മയെവിട്ടു പറക്കാതിരിക്കാൻ ,
ദൈവം ചിറകിനെ ഒളിച്ചു ,
നീ ചെയ്യും നന്മകളിൻ പീലിയാൽ ,
ദൈവം വീണ്ടും ചിറകു തരും .
Not connected : |
