അടിമകൾ
അടിച്ചമർത്തപ്പെട്ടോർ
യുഗയുഗാന്തരങ്ങളിലൂടെ,
തൊട്ടുകൂടാത്തവർ, തീണ്ടികൂടാത്തവർ
സ്വഭൂമിയാം കാട്ടിൽനിന്നു ഭ്രഷ്ടരാക്കപ്പെട്ടോർ
മേലാളവിസർജ്ജ്യമെടുക്കാൻ വിധിക്കപ്പെട്ടോർ
അവരുടെ ചന്തികഴുകിക്കൊടുത്തിരുന്നവർ
ചിത്തത്തിലും ചിന്തനത്തിലും
അടിമത്വം പേറുന്നവർ,
ഇഹത്തിൽ നികൃഷ്ടരായി ജീവിച്ചോർ. ,
ഗ്യാസ് ചേമ്പറിലേക്കു പോയവർക്ക്
ഒരറ്റപ്പിടച്ചിലേയുണ്ടായിരുന്നുള്ളൂ,
തീണ്ടാപ്പാടകലങ്ങൾ കാക്കേണ്ട
കീഴാളരുടെ അടിമപ്പണി സഹസ്രാബ്ദങ്ങൾ നീണ്ടു.
ഇന്നുമതിന്റെ അലകൾ അവരെ വേട്ടയാടുന്നു.
സംഭ്രമചിത്തരാക്കുന്നു.
Not connected : |
