ആശയങ്ങളെ കൊല്ലാന്‍ ആയുധങ്ങളില്ല
എം.എം. കല്‍ബുര്‍ഗി
നരേന്ദ്ര ധബോല്‍ക്കര്‍
ഗോവിന്ദ് പന്‍സാരെ
അവസാനമായി -അവസാനത്തേതല്ല-,
ഗൗരീ ലങ്കേഷ്...
പ്രപഞ്ചത്തിലെ ഏറ്റവും നീചരായ
ഭീരുക്കളുടെ വെടിയുണ്ടകളാല്‍ വധിക്കപ്പെട്ടു..
മുമ്പൊരു ഫഖീര്‍ യാത്രയായതും ഇതുപോലൊരുത്തന്റെ
വെടിയുണ്ടയേറ്റു തുളവീണ നെഞ്ചുമായിട്ടായിരുന്നു!!!
ആശയങ്ങളെ കൊല്ലാനാണ്
ആളുകളെ കൊല്ലുന്നതെങ്കില്‍,
ആരാണ് ഈ കശ്മലന്മാര്‍ക്ക് പറഞ്ഞു കൊടുക്കുക:
ആശയങ്ങളെക്കൊല്ലാനുള്ള ആയുധം
യുഗാന്തരങ്ങള്‍ പിന്നിട്ടിട്ടും ഇനിയും കണ്ടുപിടിച്ചിട്ടില്ലെന്ന്!
Not connected : |
