ശാപമോക്ഷം
ആർത്തവരക്തച്ചാലുകളിൽ
വൈരൂപ്യം മറനീക്കി പുറത്തുവന്നു.
എൻനിഴലെവിടെത്തെളിഞ്ഞാലും,
ഇളംകുസുമ ങ്ങളകന്നുനിന്നു,
ഇളംതെന്നൽ കൊടുങ്കാറ്റായിടുന്നു.
നീലാംബരമോ?
ഇരുളിനെമാടിവിളിക്കും.
കർമ്മപഥങ്ങളിൽ
കൊടും വിഷം പേറും ചെടികളും
കൂർത്ത കരിമ്പാറക്കൂട്ടങ്ങളും
ഘോരവിഷസർപ്പങ്ങളും.
കൊള്ളിയാൻ മിന്നി വിരട്ടി,
കൊടുങ്കാറ്റടിച്ചുലച്ചു.
പേമാരിതിമർത്തുപെയ്തെ-
ന്റെയുള്ളിൽ തീ നിറച്ചു..
ഏതുസായംസന്ധ്യയെന്നെത്തേടിവന്നു?
ഏതു ചായക്കൂട്ടെൻ ദൈന്യം മറച്ചു.
അഴിതന്നടിത്തട്ടിലെപ്പോഴും
സ്വച്ഛന്ദം നിർവ്വാണസമം.
എതന്തർപ്രേരണയെന്നെ നയിച്ച്,
ദ്രുതത്തിരയോടൊന്നിച്ചു നീങ്ങുവാൻ
അഗാധാന്തകാരയടിത്തട്ടിൽ
ശാപമോക്ഷം നുകരുവാനായി?
Not connected : |
