പ്രണയ മിഴികൾ
"പ്രണയ മിഴികൾ"
"നിൻ മാൻപേട മിഴികൾക്ക്-
മൊഴിയുവാനുണ്ടൊരു
നനവാർന്ന പ്രണയത്തിൻ
കഥയൊന്നിനി-
നീയൊളിപ്പിച്ചൊരാ നാണവും
നഷ്ടപ്പെടാത്തൊരാ നന്മയും
നിറയുന്നൊരീ മിഴിയിണകളെ കണ്ടിരിക്കാൻ
നിൻ കഥയൊന്നിനി കേട്ടിരിക്കാൻ-
നിത്യംകൊതിക്കുന്നതെന്തിന്നു കാരണം?
അറിയുന്നു നിൻ മിഴികളിൽ പൊഴിയുന്ന
അനുരാഗ നോവിന്റെ നേർത്ത മൊഴികൾ
അവയെന്നോട് മൊഴിയുന്നു മധുരമായ്
അറിയുക നീ എൻ മിഴികളെ
അറിയുക നീ എൻ മനസ്സിൻ മൊഴിമുത്തുകളെ?
വിറയാർന്ന ചുണ്ടിലൊരു- മഞ്ഞുനീർതുള്ളിപോൽ
വൈഡൂര്യ തളികയിൽ
ഞാവൽപ്പഴം പോലെ
മയിൽപ്പീലി ഇതളിനാൽ-
തുടിക്കുന്ന പൂവുപോൽ
മനസ്സിന്റെ കാഴ്‌ചകൾ
മൊഴിയുമൊരു കണ്ണാടി പോൽ -
നിന്നിലെ നന്മതൻ നേർകാഴ്ചയായിന്ന്
നിറവാർന്ന് നിൻ ശോഭയേറ്റി നിൽക്കെ.
കണ്ണോട് കൺചേർത്ത്
കാണുന്ന നേരത്ത്
കണ്ണീരും കൺമഷിയും നിൻ കാമുകരൂപമതും -
മഴവില്ലുപോൽ നീ പുഞ്ചിരിയ്ക്ക്
മൗനമായ് മൊഴിയുന്ന മിഴികളോടെ.
പ്രണയഗീതത്തിൻ മുറിവേറ്റ പല്ലവി
പാടുന്നു നിൻ നീല മിഴിയിണകൾ
ആരും കൊതിയ്ക്കുമത് നനയാതിരിക്കുവാൻ
ആരും കൊതിയ്ക്കുമൊന്ന്
പ്രണയിക്കുവാൻ....''
(....... അഭി❤❤.........)
Not connected : |
