പ്രകൃതിയുടെ നാശം
നാശം
ഭൂമിക്കിന്നൊരു കുടയായ് മാറാ-
നോമല്‍ക്കാടുകളെവിടെക്കാണ്‍മൂ ?
അമ്മയ്ക്കിന്നിണതുണയായ്ത്തീരാന്‍
ശ്യാമക്കാടുകളിവിടെപ്പൂത്തോ ?
ക്ഷീണത്തോടെയുമരികില്‍ ചെന്നാ-
ലീണംമീട്ടുവതിനിയിന്നാരാ ?
മണ്ണിന്‍ മാറിലതൊഴുകിപ്പായാന്‍
തണ്ണീരിൻതടമെവിടെപ്പോയി ?
കുന്നിന്നിക്കരെ പിടയും, മൊട്ട-
ക്കുന്നിന്‍ മാനസമുരുകിത്തീര്‍ന്നീ
കുന്നും മെല്ലെയിതിവിടെത്താഴ്ന്നീ-
ക്കുന്നല്ലാതെയുമരികെക്കണ്ടു.
കായല്‍ത്തീരവുമൊഴുകിപ്പോയി-
പ്പായല്‍ക്കാടിതു കരയായ്ത്തേങ്ങി
സായംസന്ധ്യയിലിവിടെപ്പാടാന്‍
പയ്യെപ്പാറിയ കൊതുകിന്‍കൂട്ടം !
കാണാനിന്നിതുമിതിലേറേയും
വേണം നല്ലൊരു ജനസംസ്കാരം
മണ്ണിൽ ജീവിതമവശേഷിപ്പാൻ
കണ്ണിൽ ചോരയുമെളുതായ് വേണം.
സന്ദീപ് വേരേങ്കില്‍
Not connected : |
