പുതുവത്സരം
പുതുവത്സരം
വത്സരം നല്ലതിന്നാരംഭമായിന്നു-
മുത്സവം ഭൂമിയിലെങ്ങും
മത്സരം നമ്മൾക്കിതാശംസയേകുവാൻ
വത്സരേയോർത്തിട്ടുണർന്നും
ആസ്വദിച്ചാലപിച്ചാമോദമോടെയാ-
ശംസകൾ നേരുന്നു നമ്മൾ
മാസാവസാനത്തിലെത്തുന്നതീപ്പുതു-
വത്സരാഘോഷത്തിമിർപ്പും
പൂക്കളും ഗോക്കളും സൂക്ഷ്മാണുകോടിയു-
മിക്കാര്യമെന്തെന്നറിഞ്ഞോ ?
പക്കം നമുക്കിതുദാത്തമീയൂഴിയിൽ
പൊക്കിൾക്കൊടിച്ചുഴി പോലെ
യാത്രക്കാരെത്രയോ കൂടെയില്ലിന്നിപ്പോ-
ളെത്ര കൊമ്പൻമാരു വീണു ?
എത്തിനോക്കുന്നു നാമിന്നീ ദിനത്തിങ്ക-
ലെത്ര വമ്പൻമാരുമൊത്തും !
എത്തിപ്പിടിച്ചിന്നു തത്തിക്കളിച്ചു നാം
പുത്തൻ പുതുക്കൊല്ലരാവിൽ
ചിത്തം തളിർത്തിന്നു മുത്തം വിടർത്തുന്നു
രക്തിതൻ വിത്തുകൾ പാകി.
കോടിക്കണക്കിനായാശംസകൈമാറ്റ-
മോടെച്ചിരിക്കുന്നു ലോകർ.
മോടിയിൽ തീർത്തൊരാ പത്രത്തിനുള്ളിലായ്
പാടുന്നതൻപിന്റെ ഗീതം.
സ്നേഹപുഷ്പച്ചെണ്ടു കൈമാറി കൈമാറി
സ്നേഹിച്ചു മേവുന്നു നമ്മൾ
സ്നേഹമില്ലാത്തോരുമില്ലാത്ത ഭൂമിയെ
സ്നേഹിച്ചുറക്കും കിനാവും
സന്ദീപ് വേരേങ്കിൽ
Not connected : |
