കനകകലാധര ...
കനകകലാധര ശൈലം,പ്രേമ-
വിധുമുഖിയുണരുന്ന നേരം
വെയിൽച്ചിലമ്പഴിയുന്നു മൂകം
രാവിൻ ഇരുൾമിഴിയെഴുതുന്നു വാനം...
ധ്വനിതരമുകിലിൻ ശബരികകൊട്ടി-
ത്തമിയിൽ നിരനൃത്തമാടുന്ന ധാര
പൊടിമൺ കന്യകയുരുളുന്ന വനിക;
ജലകണമണിയുമ്പോൾ വനിത...
പുലർത്തിരി തെളിയുമ്പോൾ ലസിക
വയ്യോൻ വലംവെച്ചു വരുമ്പോൾ വലജ
തുഷാരപ്പീലികൾ വിടരുന്ന നാസിക
അവൾ ശൃംഗാരവദനത്തിൽ ജലജ...
സുസ്മിത സുന്ദരപുഷ്പിണിയാകും
സൗഭാഗ്യമേകുവാൻ പൗർണ്ണമിയാകും
ശങ്കരശൈലത്തിന്നരുണിമ നിറയും
അഴകിൻ സഖിയേ പ്രഭാമയിയേ...
Not connected : |
