ശ്യാമവർണിനീ....
ശ്യാമവർണിനീ നിന്റെയീറൻ മിഴികളിൽ
സന്തമസ്സൊഴുകുവാൻ കാര്യമെന്തേ ?
നിന്റെ പൊൻപണമിന്നെന്തേ
കടലിൽക്കളഞ്ഞു പോയോ ?
സാവനസായാഹ്ന സീമയെ വേൾ-
ക്കുമെന്ന-സഖനെന്തേ ചൊന്നതില്ലേ ?
മകരാങ്കമാറിലാ പകലോനും ചായവേ
ചാരത്തായിന്നു നീ തേങ്ങിനിൽപ്പൂ...
അണിപന്തൽത്താരകൾ,വിരിയും
തൈമുല്ലകൾ, പൈംപാല് പോലെയാ
പൗർണമിത്തിങ്കളും നിന്നാത്മതോഴനി-
ന്നാശംസയർപ്പിച്ചു നിൽക്കയാണോ ?
അല്ലലിന്നണിയറ നിൻ നെഞ്ച്നീറ്റുമ്പോൾ
അല്ലിലെ മണിയറയ്ക്കെന്തു ഭംഗി ?
അതിലോലശോണിമ കവിളിൽകരുതുമെൻ
അഴകെഴുംമാലതീ നിനക്കാണേറെ ഭംഗി...!
Not connected : |
