മിഥ്യ
ഒരു നിശ്വാസത്തിലൊതുക്കുന്ന ,
ഉത്തരം കിട്ടാത്ത പല ചോദ്യങ്ങളുണ്ട്.
പിടി തരാതെ പോയ മനസ്സുകളുണ്ട്.
സങ്കീർണ്ണതകളാൽ കുരുക്കഴിയാതെ പോയി
ശ്വാസം മുട്ടിച്ച കയറുകളുണ്ട്.
തുറന്നു കാണിച്ച മനസ്സിനപ്പുറം
ഇരുട്ടിനാൽ തീർത്ത അറകളൊരുപാടുണ്ട് .
ഒരു വെളിച്ചത്തിനും കടന്നു ചെല്ലാൻ പറ്റാത്ത
എത്രയോ അറകൾ....
എന്നിട്ടും 'ഞാൻ നിന്നെ മനസിലാക്കി'യെന്ന്
വാചാലനാവുന്ന മിഥ്യാബോധത്തിനു
അടിമയാണ് ഓരോ മനുഷ്യനും.....
Not connected : |
