അരിപ്പ
പേനത്തുമ്പ് കടലാസ്സിലുരുമ്മിയിട്ടും
മഷി ചുരത്താൻ മടിച്ചു നിന്നു
കാര്യമെന്തെന്നു ചോദിച്ചപ്പോൾ
പെണ്ണിനു മിണ്ടാട്ടമില്ല.
ആഞ്ഞൊന്നു കുടഞ്ഞിട്ടും
അനക്കമില്ല, ഒടുവിലവൾ തന്നെ
കാതിലൊരു രഹസ്യമോതി:
"വയ്യ, മടുത്തെന്ന്.
സദാചാരം, മതം, ജാതി, രാഷ്ട്രീയം
പല കണ്ണുകളും തുറിച്ചു നോക്കുമെന്ന്
അക്ഷരങ്ങൾക്കവർ പല നിറങ്ങൾ കൊടുക്കും,
പലതായി വ്യാഖ്യാനിക്കും
അവരെന്റെ മഷി ഊറ്റിയെടുക്കും. "
'അരിപ്പ'യൊന്നു വാങ്ങണം
പ്രതികരണശേഷിയുള്ള അക്ഷരങ്ങളെ
അരിച്ചെടുത്തു കളയാൻ...
Not connected : |
