ഫെബ്രുവരിക്കു നാണം
ഞാന്‍ സൈന്‍ വാലന്റയ്ന്‍,
ബീച്ചുകളില്‍, പാര്‍ക്കുകളില്‍
കെട്ടുപിണഞ്ഞുകിടക്കുന്ന
ഈ ആണ്‍പെണ്‍വള്ളികള്‍
ഞാന്‍ നട്ടുവളര്‍ത്തിയതല്ല!
ക്ലോഡിയസ് രാജന്‍
ജയിലിന്നിരുളിലേക്ക് എന്നെ ആനയിച്ചതും
ശേഷം കല്ലറയുടെ ഇരുളില്‍
എന്നന്നേക്കുമായി എന്നെ തളച്ചിട്ടതും
ഈ വിഷവള്ളികള്‍ക്ക് വെള്ളമൊഴിച്ചതിനല്ല;
തണല്‍ നല്‍കിയതിനുമല്ല!
പകുതിയായി നില്‍ക്കുന്ന രണ്ടു സ്‌നേഹങ്ങളെ
എന്നേക്കുമായി ചേര്‍ത്തു നിര്‍ത്തിയതിനാണ്;
പ്രകൃതിയോടു ചേര്‍ന്നു നിന്നതിന്!
ബീച്ചുകളില്‍, പാര്‍ക്കുകളില്‍
കെട്ടുപിണഞ്ഞുകിടക്കുന്ന
ഈ ആണ്‍പെണ്‍വള്ളികള്‍
പക്ഷെ, ഞാന്‍ നട്ടുവളര്‍ത്തിയതേയല്ല!
Not connected : |
