അനുഭൂതി  - മലയാളകവിതകള്‍

അനുഭൂതി  

ഉടലായിമാറിയാരൂപത്തെമാറോടണച്ച
ശ്രുപൊഴിക്കുമ്പോഴാഗദ്ഗദമൊരു നെടുനീർപ്പായി
നിറഞ്ഞാമാറിടത്തിനടിയിലതിദിവ്യമാംവികാരമേ
നിനയ്ക്കായുഴിഞ്ഞുവെച്ചതീദേഹിയെ ;

അലസമായ്കടന്നുപോംദിനരാത്രങ്ങളറിയുവാൻ
അന്ധവിശ്വാസത്തിലൂഴ്ന്നിറങ്ങിയ ചടങ്ങുകൾ മാത്രം
നെഞ്ചിടിപ്പിൻതാളത്തിനൊത്തുപിച്ചവെച്ചനിമിഷമേ
നിശബ്ദമായ് നീ നിറച്ചതെൻ ഹൃത്തിനെ;

നിർവികാരമാമഭിനിവേശത്തോടെനിൻശിരസ്സുയ-
ർന്നപ്പോഴഭിമാനലഹരിയുടെയുൾപുളകമശ്രുവായ്
ഇനിയൊരുവിശ്രമമെന്നപോലുൾക്കരുത്തായ്
തണലേകുമാവിരിമാറിൽ തലചായ്ച്ചതീ നിമിഷവും ;


വലിഞ്ഞുമുറുകിയപേശികളയഞ്ഞപ്പോഴാ
മൃദുസ്പർശമേറ്റൊന്നുനിദ്രപുണർന്നതുമവിചാരിതം
ഉരുത്തിരിഞ്ഞുയിരിനിണയെ തേടുവാനായുൾവിളി
പ്രകമ്പനമായ് നിറച്ചതെൻ നിശ്ച്ചയ ദാർഢ്യം

ഉദ്‌ഘോഷമാം കൊടിതോരണങ്ങളിൽ നിറഞ്ഞുയരുന്ന
പരിപാവനമാം മുഹൂർത്തത്തിലക്ഷമയോടാനന്ദാശ്രു
പൊഴിച്ചവലോകത്തിനുതകാത്ത നിമിഷത്തിൽ
നിറവാർന്ന കൂപ്പുകൈയമ്മയെന്ന പരിവേഷത്തിന് ;









up
0
dowm

രചിച്ചത്:സുമിഷസജിലാൽ മരുതൂർ
തീയതി:21-02-2018 08:01:28 PM
Added by :സുമിഷ സജിലാൽ മരുതൂ
വീക്ഷണം:153
നിങ്ങളുടെ കവിത സമ്മര്‍പ്പിക്കാന്‍


കൂട്ടുകാര്‍ക്കും കാണാന്‍

Get Code


Not connected :