ഒറ്റയാൻ ഭാവനകൾ
ഒരു കുഞ്ഞു പൂവിൻറെ
നറു തേൻ കൊതിച്ചൊരാ
ശലഭ വർണങ്ങളെ പോലെ
അതിരറ്റ സ്നേഹത്തിൽ
അറിയാതെ ഞാൻ
നിന്നിലണയാൻ നിനച്ചിരുന്നു.
വെറുതെ ഈ നിലാവിന്റെ
അനുരാഗ സൗധത്തിൽ
നിന്നെയോർത്തും ഭ്രമിച്ചും
നിമിഷങ്ങളോരോന്നും
ആർത്തുല്ലസിച്ചീടവേ
അറിയാം ഇതെല്ലാം ഒരു-
പാഴ് കിനാവിന്റെ
യാന്ദ്രിക ഭാവനകളല്ലേ !
ഇനിയും മരിക്കാത്ത
സ്വപ്‌നങ്ങൾ അതുമാത്രമല്ലെ
ഇനിയെനിക്കൊപ്പ-
മൊരിണയെന്നപോലെ !
ആരറിയുന്നു എന്നിലെ
ബാഷ്പ തീരങ്ങൾ
ആത്മാവിലൊരായിരം
ചീർത്ത നോവുകൾ മാത്രം.
Not connected : |
